cunduk kana waktu nu tangtu
ninggang kana mangsa nu nyata
nitih kana wanci nu mustari
jejeg tujuh likur geus ngurangan jatah kuring kumelendang di alam dunya
asa can naha naha
dasar ku tara syukur jigana mah
Gusti… hampura abdi…
padahal rijki naon nu badé di pungkir
sadaya gé kagungan Gusti…
urang mah mung saukur dibéré titipan
tapi seringna éta titipan teh kuurang diaku aku
jeung teu saeutik malah nu ngagungken éta titipan tibatan ngagungkeun Anjeun
padahal milik urang nu saéstuna mah teu lian ti kalakuan urang wungkul
heug dina kalakuan goréng ogé hadéna
éta milik urang nu haq tur bakal ditanggelwalerkeun isuk jaga ning géto ka Anjeun
Alhamdulillah Gusti…
dina danget ieu
dina jejegna tujuh likur
kuring dikersakeun ngaitkeun paniatan hadé
mugia diteraskeun ieu lampah kana jalan sunnah Rasul jaga
da kahoyong mah alim kumawantun mayunan pun raka
sanaos mung saukur kahoyong
ari kana bréh na mah sumerah nyanggakeun
da sagala gé kagungan Anjeun
02112008
-Astrajingga Ngumbara-
*judul awalnya birthday vs engaging, tp ga jadi narsis banget wekekeke 
:o
